أتعلَمُ عَيْناكِ أنّي انتَظَرتُ طَويـــــلاً...!؟

هو :  أتعلَمُ عَيْناكِ أنّي انتَظَرتُ طَويـــــلاً...!؟

هي :  أَتعلمُ عيناك انتَ أَن عيناها سهرت كثيراً ؟؟

هو : وما يُدريني !؟  

هي : وكيف تلومُها وانت لا تشعر بها حتى 

!!!

هو : لستُ ألوم .. فقط إفصاحٌ عن الحال

ولكن أن تسهر عيناها هذا بعض أُمنيتي

!

هي : لعلها تكتب الرسائل ايضاً

!!

هو : لم يصل الأمر لهذا

لازلنا على أولِ أولِ الطريق

!

هي : لعلك لم تسمع عن من يثقون في عشق قلوبهم بعد 

يجعلهم الشوق يكتبون بعضا من ايامهم القادمه احياناً

احيانا يمتلكون صندوق من الرسائل لم يبعثوا بها 

يجعلونه كنزً مناسب كهديةٍ لــ أولِ ليلة عشق 

Islam Najeh

Nesreen
31/12/2011

! عِنـــاد

احدهم يطرق الباب باصرار عجيب

لاتزال الثامنه صباحا

بعد قليل سـ يمل ثم يرحل 

ولكنه يعاود الطرق بشده 

لماذا بعض الناس يتمتعون بازعاج الاخرين 

!!!

!من؟

كشاف النور يافندم 

***

لاأزال اشعر بالالم الشديد 

بحثت عن الترمومتر 

يالله انه يقترب من الاربعين 

تناولت الدواء وعدت الي النوم 

***

كان صوت مشاري يبتعد ويبتعد 

والظلام يلمئ المكان 

الي ان ساد سكون مريح

***

 كنت اصرخ وانا احاول الامساك بها 

سمكه برتقاليه كبيره

جميله جدا 

بللت ملابسي وانا ارش الماء واضحك

انا اعرف هذا المكان 
فيه اسماك كثيره 
 غريبه
 وجميله
 هذه الاسماك احب اللعب معها 

***

عاد صوت مشاري يقترب شئ فشئ 

احدهم يطرق الباب مره اخرى
بصعوبه فتحت عيني 

لاتزال الثانيه عشر 

اشعر بالعطش وبالحر 

لن افتح هذه المره مهما اصر

***

عاد الظلام من جديد يملئ المكان 

كنت ارتدي فستان بنفسجي واسع

اقف علي الماء

بدأ  ذلك اللحن يعلو ويعلو 

انا احب موسيقي (انت عمري) بشده 

بدات اقفز فوق الماء

كان الماء يرقص معي

 وانا انثر شئ لامع 

بداء يغرقني 

انه بارد جدا 

***

( فاقت الحمد لله ) 

اميز تلك الاصوات 

ولكني لا اري احد 

حاولت ان افتح عيني ولكني لا استطيع 

اشعر بالعطش 

ومع ذالك استسلمت للنوم 

***

عدت اقفز مره اخر فوق الماء البارد 

ومن وقت لاخر اشعر به يغرق وجهي 

لم اكن اعرف اني بهذا
 العِناد 

30/12 /2011

هي 7

موسم اخر للمطر  

يبحث الناس دائما عن الملابس الثقيله 

ولكنها لا تجدي نفعا معها 

يلح دائما سؤال بخاطرها 

لماذا يحرص الناس علي هذا الكم الهائل من الملابس 

ليحصلوا علي الدفء 

 تعتقد دائما ان فتات من  المشاعر يكفيها 

ولكن 

!!!

هي

تعشق السير 

لا باس ان كانت وحيده 

هذا يشعراها اكثر بالقوه 

ولكن 

في موسم المطر تؤلمها الوحده 

تسحبها اوجاعها للقاع دائما 

رغم انها تريد ان تحيا 

ولكنهم لايتركونها 

لابد وان الله يريد بها شئ مختلف 

يالله 

امممم 

اذا كان هكذا 

اذا لابد ان اتوقف عن البكاء 

هي 

لا تعترض ايا كان 

تعلم انه هناك من هو اسوء حالا 

ولكنه الالم مايجعلها تصرخ من وقت للاخر 

فالالم تزداد دائما حولها وبداخلها 

تخنقها 

حقيقا ... هي وان تمنت السعاده للجميع 

تجرحها وهي وحيده  بعض الابتسامات 

هي لا تعترض ولكنها تتمني فتات من المشاعر في موسم المطر 

فالهواء يعبر من خلالها بعنف 

وبرد الشتاء قاتل 

موسم المطر ... اي شجن جئت تحمل 

واي حزن فيك يظهر 

نسرين 

16/12/2011

يـا الموت ♥

الموت او لنسميه الانتقال بين عالمين

بدأت تلح علي منذ فتره فكره الموت 

لابد انه احساس عجيب 

لن تجربه سوا مره واحده 

ولن تخبر احد عنه 

سيبقي ذالك سرا بينك وبينه 

شئ خاص بك وحدك لا يتطفل عليك فيه الاخرون 

***

يا الموت  

لماذا يتخيلونك دائما مؤلم 

قاسى او صعب 

مع اني اشعر انك تجربه رائعه 

" العبور بين عالمين "

***

اعتقد اني سابكي يوم القاك  

ســ يتخيلون اني ابكي الما 

حمقى

اني ابكي من فرط  السعاده

***

يا الموت

الاغبياء يعتبرونك شئ  مقبض  مخيف 

مع انك الحبيب الذي انتظره ولا ياتي ابدا 

انتظر بشوق لحظه العناق بيننا 

فما اجمل ان امنحك روحي 

قطعه قطعه ... جزء جزء

ما اجمل ان امنحك ايها

وان افقدها انا شئ فشئ 


وانا اعلم انها لك

***

الموت هو الشئ الوحيد الذي لم يؤذني ولم يجعلني يوما اتالم 

فلماذا لا احبه و بجنون 

انام كل ليله وانا اعتقد اني ســ اراك اخيرا 

ولكني اصحوا علي عالم قاسي ومؤلم لا يحمل غير المراره 

لابد واني استحق عقاب ان احيا 

فــ متي ســ تاتي ؟

لنتعانق

يا الموت 

:) 

نسرين 

10/12/2011

اكتوبر ... أرض العجــــائب

(هذه اكتوبر لمن لا يعرفها )

جمهوريه اكتوبر الحزينه

او المدينه الموسميه

او مدينه الاحزان

تقدر تسميها زي ماهتحسها
...
..
.
بعد مرور اربع سنوات لم يستطع الزمن اذابه ذلك الجمود بيني وبينها

انا لا اكرهها ... ولكني لا احبها

تذكرني اكتوبر بتلك المدن التي اجتاحتها الكوارث

فمات سكانها

وجاء غيرهم ليسكنوها

اكتوبر مدينه عجيبه ...كل من فيها مغتربين

تجد فيها جميع اجناس البشر

احيانا يشعرني ذالك بانقباضه في صدري

...
..اجدها دائما كالماء

لا طعم ولا لون ولا حتي رائحه 

ولكنها مع ذالك تروي شئ لا اعلمه بداخلي

لا ادري انحن من لا نقبلك اكتوبر ... ام انك من تمقتينا
...
..
.

اذ كنت لا احبك فلماذا افكر الان فيك 

احيانا كثيره اشعر بك تُنادين او تأُنين

اليوم سمعتك
...
..
.

مدينه الاحزان ... لناخذ هذا العام هدنه

ساحاول بدوري ان اتقبلك
وفي المقابل عليك ان تخفي بعضاً من مَقتك لي

عزيزني اكتوبر

كلتانا مدن يهجرها سكانها ليستوطنها الأغراب

فالتحاول كل منا تقبل الأٌخرى

لنغفر تلك المشاعر بيننا

فمن يدري ما قد ياتي به الغد لكلتانا

معاهده سلام

طرف اول .. جمهوريه اكتوبر الحزينه

طرف ثاني .. نسرين

الاحد

23/10 /2011 

يوما كنا هناك ...

اتذكر رمال ذالك الشاطئ ... حيث وققنا يوما

ساخبرك الان سر ماحدث

هل تذكر ...

يومها ابتعدت عنك قليل واقتربت من البحر

لالقي شئ في الماء ...

اتعلم لماذا فعلت ذالك ...

حتي اجد سبب يجعلنا نذهب سويا كل ليله الي هناك

 لتبحث لي عن احد اغالى اقراط اذني ...
 

 نسرين
6/10/2011

فارس هذا الزمــــان

يــا فـــارس هـذا الزمان

منذ ان تُوجت ملكا وحيداً علي عرش مملكتي

اعطيتك حينها لقب

(فارس هذا الزمـــان)

رحتُ واثقه أُقلب عليك القبائل

احدثهم عن بئس الفوارس

عن اخلاق الفوارس

عن رقتهم ونبلهم ... اساطير حبِهم

وعن امتلاكك لقلب تلك الفوارس

اشعلت بكل ثقه فتيل حرب حولي

وركضتُ بسعاده لاختبئ خلفك

والأن

دعهم يرون ما اريتني اياااه

دعهم ليجربوا ما ستفعله بهم اساطيرنا

اغمضتُ عيني واثقه في الامان

وفجاءه

ايقظتني طعنهٌ في قلبي

وابتسامهُ شماتهٍ علي وجه الاعداء

اين الفارس يا فتـــاه ؟؟

صرتُ اتلفتُ حولي فزعه

لم اعرف سوى يومها انك تخاف الحروب

لم يكن سيفي من اثقل يديك

ولكنك في الاصل تجهل طريقه حمل السيوف

انت لم تخبرني يوماً بذالك

!!!

تركتني خلفك ... وفررت بالهرب

ولو انك يومها التفت خلفك  لــ لحظه

لرايتني احاول وقف الدماء وانا ابتسم

فمثلك ليس اهلاً لحمل السيوف

ولا لعيشهِ الملوك

أُهرب الان قدر ما استطعت

واخلق لنفسك الاعذار قدر ما شئت

ولكن اياك ان تجرب يوماً

ان تخوض نار حربٍ مع قلبي

فانت اضعف من ذالك

وانا حقا ... أُشفقُ عليك

!!!

رفعت سيفي عن الارض

واخيرا ادركت

ليس كل من امتطى جواد

امتلك قلب

(فـــــارس)

نسرين

2/10/2011

... الســـعاده مجاعه بداخلي

للسعاده مذاق مختلف

كلما شممت رائحتها حولي

إزداد آلم الجوع بداخلي

نسرين
27/9/2011

حتي اشيــــاؤنا تعلم ...

لما الفراق

!!!

تعلم اني احبك

اعلم انك تحبني

اشياؤنا تعلم ايضا

اذا ما ماهي مشكلتك ؟؟؟
ولما الفراق

!!!

نسرين

22/9/2011

اني اراني هناك الان

أراني هناك الان

 

 

انغمس في حلم غريب كل ليله

يلقي بداخلي يقينا

شئ ما سيحدث قريبا

اصدق قلبي

اني اراني هناك الان

سعيده

:)

نسرين

16/9/2011

يالله

يالله

نعاني سكرات الموت 

عندما لا نجد من نلومه سوى انفسنا

 وانا روحي تحتضر

نسرين

2/9/2011

لا ادري

لا أدري

 !!!

ما كنت في يوم حاضره لديك

ومع ذالك

بقيت لدي احساس مختلف

لا ادري ولا اعلم شكلاً او اسماً له

ولكنه يؤلم احيانا

ويجعلني ابتسم احيانا

ويتركني لاشتاق كثيرا

لا ادري ولكني اشعر

نسرين

31/8/2011

:)

عفوا ... ليس حبا

عندما تراني اتذكر اشيائي معك

واردد كلماتي لك

وتراني لازلت اختار ذالك المشروب المفضل  لدينا

واشاهد الغروب من ذالك المكان المرتفع كما كنا نفعل

أَبتسم وانا اتخيل تلك الاحلام

واشتاق لنفس الاماكن

عفوا

ليس حباً

ولكن هذا هو عالمي الذي ادخلتك انا اليه

كذالك فانا لم أعود اشيائي واحلامي 

ان اتركها وحيده

:)

 نسرين

24/8/2011

12:10 am

افتتاحيـــــه :D

اممممم

بما اني افتتحت المدونه الجديده كدا سوكيتي

من غير هيصه ولا دي جي  ولا كهارب

ولا حتي فرعين نور سهاري

وبما اني برضو بمـــــــــــــــوت في الهيصه زي عنيا واكثر

ونزولا علي رغبه الجماهير في الطلب الملح جدا للموكا

قررت اعمل ليله لوجه الله هوزع فيها الرز بلبن والموكا للجيران والحبايب

وطبعا كل اللي جه وبارك هياخذ نصيبه ميقلقش

والله يسامح مدونه انكسر جوانا شئ

عشان هيا اللي فتحت عليا فتوحه من بعد ماطلبت الموكا

:D :D

 وده الموكا بالبند ق والكريمه مخصوص لـــ انكسر جوانا شئ

ملحوسه ... الموكا ده بالبندق مش بالكارميل عشان يمكن الكارميل مش بتعجبكم

;D

 

بالنسبه ليك يا رضوى

(طالبه مقهوره .. درجه اولى)

احنا اتفقنا انك صاحبه مكان مش ضيفه وعشان كدا ملكيش موكا

لكن هنفطر سوا عشان يبقي عيش وتدوين

:D

تيمو

ليك واحد موكا سخن بمناسبه الافتتاح

ومني لفريده مشروبي المفضل في الصيف واحد موكا ساقعه مثلجه

اممممم

الناس اللي شرفتني ومطلبتش حاجه بقي

انس

نهر الحب

مها

نورتوني بجد وبسطوني بوجودكم

وده مني لكم

لكم كلكم ولكل اللي جه ومسبش تعليق كمان

نورتوني

:D

نسرين

22/8/2011

الكاميرا الخفيه

برابراببا ... برابراببا

ده الصوت اللي كنت متخليه اني هسمعه في اي لحظه

والناس هتشاور ليا علي الكاميرا

وتحبي نذيع ولا منذعش

وانفخ البلانين يانجاتي

وجو زكيا زكريا ده

بس البني ادم الملزق اللي قدامي 

معملش حاجه من ده

وانا من جوايا هااا هيقول اهو ايون انا عارفه

ها فين البرابراببا بقي

هااا فين فين

!!!

طيب فلاش بااااك لورا كدا

من يومين كدا

ركبت مع بنت خالتي ميكروباص عادي جدا

كان معانا بيبيسي وبطاطس عادي برضو

قعدنا علي ثالث كرسي جنب بعض عادي برضو

الميكروباص عبي زباينه وطلع والناس بتلم الاجره عادي برضو

المش عادي بقي الاخ الملزق اللي كان قاعد قدامنا

مره واحده ادور ولف وبدأ يكلم بنت خالتي

ما لسه بدري علي السحور ياجميل

!!!

وبيقولها بصوت عالي جدا لدرجه الميكروباص كله كان سامع

والشباب فيه والرجاله مكلمهوش

وبعدين الولد شكله ابن ناس جداااا

وصاحبه برضو شكله ابن ناااس اكثر

يبقي بذمتكم مش دول بتوع الكاميرا الخفيه

!!!!

عملنا نفسنا مش واخذين بالنا

راااح مكمل ابن الناس المحترمين

متجيبي واحده بقي

!!!

الناس برضو ساكته

!!!

مهو الناس ده اما كاميرا خفيه

او فاهمين الجدعنه والرجوله انك تعمل عبيط

!!!

وانا وبنت خالتي بقينا ولا عادل امام في المولد

!!!

شويه والبني ادم ده

مد ايده وعايز ياخذ منها البطاطس

لا بقي

لغايه هنا وكفايه وذيع ياعم براحتك

بس من غير قله ادب بقي

بعد اذن حضرتك كدا مينفعش

_ احم ده كان صوت العبده لله _

علي اساس اني لما هطلع في التلافزيون اطلع بنت ناس برضو

حضرتك بتقولك حضرتك

هاااع هاااع هاااع

بتقولك حضرتك

الواد كان بيفرفر من الضحك

 وكأن كلمه حضرتك بتزغزغو

والناس برضو ساكته

!!!

فيه ايه ياجدعان

!!!

مفيش ثواني والبيه مد ايده فعلا

لا بقي مبدهاش

بلا بنت ناس بلا بنت بوابين

كله الا قله الادب

اااايه اللي انت بتعمله ده مينفعش كدا علي فكره

رااح مزعق ليا بصوت عاااالي جدا وقالي انتي تسكتي خااالص

وبيمد ايده عايز يضربني

قلت له انت مفكر نفسك ايه

قالي ههههش خاااالص

!!!

ان بني ادم محترم يرد ولا يتكلم ابدا

وانا مستنيه بقي البرابراببا هتنزل اهي

!!!

مفيش حاجه نزلت لا تتر ولا ناس بتسقف

فمبدهاش بقي

رحت مصوته علي جنب ياااااسطي

...

...

ركن السواق وكان بصراحه ابن حلال مصفي 

قالي فيه ايه يااانسه

طبعا الناس في الشارع اتلمت علي صويتي

وبنت خالتي بتدمع وانا مش مصدقه قلت له الولد ده وصاحبه بيضايقنا

السواق : ياجماعه استهدوا بالله

رد عليه البني ادم المستفز

قاله انا بعاكس صحبتها الحلوه

هيا مالها  

رد السواق خلاص ياكابتن

خلاص ياانسه

ورجع ركب وعلي القران

اسمعوا الشيخ بيقول ايه

!!!

وش كدا السواق  ده معهم في الكاميرا الخفيه بقي

مش محتاجه نصاحه ده

اهو باينه جدا

!!!

بس برضو انا متنحه وبنت خالتي بتعيط 

مش مسدقه الرجاله اللي في العربيه اللي مفتحوا بقهم بحاجه

!!!

 كل اللي فات ده بقي حماده واللي جاي ده حماده تااااني خالص  

الكتله اللي قدامي مش يخرص بقي وخلاص لا

بيقول لصاحبه ايه بقي الظريف

استني احرق لك دمها

وبعلو صوته في الميكروباص

هما البنات بيغيروا من بعض كدا ليه

تيجي تعاكس الحلوه الوحشه هيا اللي تكلم وتضايق

!!!

لا بقي

 انا وحشه ياااابن التيييييييييييييت

قليل الادب واعمي كمان

!!!

والناس ولاد ال ... سااكتين

والنعمه ده كاميرا خفيه

وحيات ابو اشرف ده كاميرا خفيه

بس انا مش هغلط برضو عشان المونتاج ميشيلش صوتي

ويحط التيييييييييييت بتاعتهم

!!!

وصلنا اخر الخط

الملزق الغتت بتاع تعاكس الحلوه الوحشه تضايق ده نزل

صاحبه مخرج البرنامج نزل

المونتج اللي كان قاعد جنبنا نزل

ومدير الاضاءه اللي كان قدام خالص نزل برضو

والبنات اللي بيعملوا المواثرات الصوتيه اللي علي الكنبه الاخيره

نزلوا برضو

السواق بطل العربيه ونزل هو كمان

وانا قاعده متنحه مش مصدقه

نسرين انتي مستنيه ايه ؟؟ 

كانت بنت خالتي بتسال ببرائه بعد مابطلت عياط

بصتلها وقلتلها هما مش هيسالونا طيب نحب نذيع ولا لا

!!!!

  

نسرين

18/8/2011