.jpg)
برابراببا ... برابراببا
ده الصوت اللي كنت متخليه اني هسمعه في اي لحظه
والناس هتشاور ليا علي الكاميرا
وتحبي نذيع ولا منذعش
وانفخ البلانين يانجاتي
وجو زكيا زكريا ده
بس البني ادم الملزق اللي قدامي
معملش حاجه من ده
وانا من جوايا هااا هيقول اهو ايون انا عارفه
ها فين البرابراببا بقي
هااا فين فين
!!!
طيب فلاش بااااك لورا كدا
من يومين كدا
ركبت مع بنت خالتي ميكروباص عادي جدا
كان معانا بيبيسي وبطاطس عادي برضو
قعدنا علي ثالث كرسي جنب بعض عادي برضو
الميكروباص عبي زباينه وطلع والناس بتلم الاجره عادي برضو
المش عادي بقي الاخ الملزق اللي كان قاعد قدامنا
مره واحده ادور ولف وبدأ يكلم بنت خالتي
ما لسه بدري علي السحور ياجميل
!!!
وبيقولها بصوت عالي جدا لدرجه الميكروباص كله كان سامع
والشباب فيه والرجاله مكلمهوش
وبعدين الولد شكله ابن ناس جداااا
وصاحبه برضو شكله ابن ناااس اكثر
يبقي بذمتكم مش دول بتوع الكاميرا الخفيه
!!!!
عملنا نفسنا مش واخذين بالنا
راااح مكمل ابن الناس المحترمين
متجيبي واحده بقي
!!!
الناس برضو ساكته
!!!
مهو الناس ده اما كاميرا خفيه
او فاهمين الجدعنه والرجوله انك تعمل عبيط
!!!
وانا وبنت خالتي بقينا ولا عادل امام في المولد
!!!
شويه والبني ادم ده
مد ايده وعايز ياخذ منها البطاطس
لا بقي
لغايه هنا وكفايه وذيع ياعم براحتك
بس من غير قله ادب بقي
بعد اذن حضرتك كدا مينفعش
_ احم ده كان صوت العبده لله _
علي اساس اني لما هطلع في التلافزيون اطلع بنت ناس برضو
حضرتك بتقولك حضرتك
هاااع هاااع هاااع
بتقولك حضرتك
الواد كان بيفرفر من الضحك
وكأن كلمه حضرتك بتزغزغو
والناس برضو ساكته
!!!
فيه ايه ياجدعان
!!!
مفيش ثواني والبيه مد ايده فعلا
لا بقي مبدهاش
بلا بنت ناس بلا بنت بوابين
كله الا قله الادب
اااايه اللي انت بتعمله ده مينفعش كدا علي فكره
رااح مزعق ليا بصوت عاااالي جدا وقالي انتي تسكتي خااالص
وبيمد ايده عايز يضربني
قلت له انت مفكر نفسك ايه
قالي ههههش خاااالص
!!!
ان بني ادم محترم يرد ولا يتكلم ابدا
وانا مستنيه بقي البرابراببا هتنزل اهي
!!!
مفيش حاجه نزلت لا تتر ولا ناس بتسقف
فمبدهاش بقي
رحت مصوته علي جنب ياااااسطي
...
...
ركن السواق وكان بصراحه ابن حلال مصفي
قالي فيه ايه يااانسه
طبعا الناس في الشارع اتلمت علي صويتي
وبنت خالتي بتدمع وانا مش مصدقه قلت له الولد ده وصاحبه بيضايقنا
السواق : ياجماعه استهدوا بالله
رد عليه البني ادم المستفز
قاله انا بعاكس صحبتها الحلوه
هيا مالها
رد السواق خلاص ياكابتن
خلاص ياانسه
ورجع ركب وعلي القران
اسمعوا الشيخ بيقول ايه
!!!
وش كدا السواق ده معهم في الكاميرا الخفيه بقي
مش محتاجه نصاحه ده
اهو باينه جدا
!!!
بس برضو انا متنحه وبنت خالتي بتعيط
مش مسدقه الرجاله اللي في العربيه اللي مفتحوا بقهم بحاجه
!!!
كل اللي فات ده بقي حماده واللي جاي ده حماده تااااني خالص
الكتله اللي قدامي مش يخرص بقي وخلاص لا
بيقول لصاحبه ايه بقي الظريف
استني احرق لك دمها
وبعلو صوته في الميكروباص
هما البنات بيغيروا من بعض كدا ليه
تيجي تعاكس الحلوه الوحشه هيا اللي تكلم وتضايق
!!!
لا بقي
انا وحشه ياااابن التيييييييييييييت
قليل الادب واعمي كمان
!!!
والناس ولاد ال ... سااكتين
والنعمه ده كاميرا خفيه
وحيات ابو اشرف ده كاميرا خفيه
بس انا مش هغلط برضو عشان المونتاج ميشيلش صوتي
ويحط التيييييييييييت بتاعتهم
!!!
وصلنا اخر الخط
الملزق الغتت بتاع تعاكس الحلوه الوحشه تضايق ده نزل
صاحبه مخرج البرنامج نزل
المونتج اللي كان قاعد جنبنا نزل
ومدير الاضاءه اللي كان قدام خالص نزل برضو
والبنات اللي بيعملوا المواثرات الصوتيه اللي علي الكنبه الاخيره
نزلوا برضو
السواق بطل العربيه ونزل هو كمان
وانا قاعده متنحه مش مصدقه
نسرين انتي مستنيه ايه ؟؟
كانت بنت خالتي بتسال ببرائه بعد مابطلت عياط
بصتلها وقلتلها هما مش هيسالونا طيب نحب نذيع ولا لا
!!!!
نسرين
18/8/2011
24 comments:
معلش بكرة احسن اكيد
ضحكتيني جداااا والله بس الناس فعلا بقوا غريبين جدا ومتسفزين اوي بطريقة مش معقولة يعني
:))
فرحانة انك صيدلانية زيي
ربنا يحفظك ياآنسريين..
ويبعد عنكم عياآل الحراآم ياآرب..
انكسر جوانا شئ
بكره دايما احلي ده شئ اكيد
بس ياريت ميكونش فيه بني ادمين ملزقين بالشكل اللي شوفته ده
تحياتي
:)
نهر الحب
يابنوته الناس ده والله اما كانت مش طبعيه بطريقه مستفزه
تحياتي لزميله البهدله
:D
انس
ربنا يكرمك يافندم
:)
تمام اوى واكيد بشيكولاتة اجمل نفسى فى واحد موكا بقا
امممم
هو الموضوع اتفهم غلط
احنا هنا بشرب الموكا
مش بنقدمها
تحياتي
:)
???
نسرين
بالاضافة انها حكاية مشوقة
بس انتى اسلوبك كمان جميل يخلى الواحد عايز يكمل للاخر
تحياتى ونورتى بلوجى يا جميل
وانا كمان زميلة بهدلة
تقبلى مرورى
ههههههههههههههه ياعيني
انتي عاملة زيي
مؤدبة زيادة عن اللزوم
لحد دلوقتي فاكرة اول موقف حد ضايقني ف 6 ابتدائي
ولد اخد الشنطة الباك بتاعتي
وانا رايحة بكل عنف بقوله..لو سمحت هات الشنطة :D
مقولكيش على كم الضحك اللي اخدته من كل اللي حكيتلهم الموقف بالكامل..والمهم انه برضه مداانيش الشنطة :D
قريت ف البلوج (البوست اللي فات )ان هنا فيه مشروب رسمي
وانا عاوزة من ده
مش انا ضيفة برضه ^_^
دي مش الكاميرا الخفية.
دي الكاميرا البايخة..
زي الشباب البايخ اللي كانوا راكبين معاكوا..
عارفة يا نسرين الشبابا دي والرجاااااالة اللي راكبين العربية والسواق بالضبط بيمثلو مشهد مصر بس على صغير..
وللاسف الركاب دي هي اللي عملت من مبارك ونظامة فراعنة..!!
هو...انا ..كنت طلبت واحد موكا بارد وواحد سخن.. واتاخروا قوي..
لو الموضوع صعب ممكن نخليهم واحد موكا نصه بارد ونصه سخن (';')
مدونه انكسر جوانا شئ فتحت علينا فتوحه
الله يسامحك بقي
:)
امممم كمان انا فتحت بعد الرحيل ملقتش حاجه
اتمني نشوف حاجه قريب
تحياتي
مها
انتي اللي نورتي يابنوته
وليا الشرف اننا نبقي زمايل بهدله
:D
:D
علي فكره انا بضحك اهو مش ببتسم بس
كدا تمام
!!!
;D
طالبه مقهوره
رضوي
:)
اولا انت صاحبه مكان مش ضيفه خالص
فسعاتك هتسعديني بقي في تقديم الموكا
لكل الناس ده
:D
ده كان اولا
ثانيا بقي
واضح اننا مش موادبين زياده عن اللزوم احنا ساذجيين زياده عن اللزوم
لان الناس ده لما بتقولي لها حضرتك والكلام ده
زي ميكون سمعت نكته مثلا
انا بفكر في حل كدا مش عارفه
ايه رايك نجيب الصاعق الكهربائي
اللي يبصلك بطرف عينه بس كهربيه
:D :D :D
انا كنت هجيب واحد بس البياع مرضاش اني اجربه عليه فانا خفت يكون سكه
بس بعد الموقف ده هجيبه وكفايه اني اطلعه من الشنطه بس
تحبي اجبلك معايا واحد
؟؟
timo
ايه ده طلعوا فلول يعني
!!
بس انا كنت مفكره الفلول ده في مصطفي محمود بس
بس بالصراحه احنا كشعب اصلا من قبل الثوره كان عندنا نخوه
وكانت لما بنت حد بيضايقها الناس بتدخل
فالمفروض يكون الوضع بعد الثوره اكثر واكثر وانه ميبقاش فيه البياخه ده
خاصا اذا كان الشكل العام للبنت مينفعش تتعاكس
وكمان اذا حصل وحد ضايقها حد من الرجاله الكبيره يقول عيب
او من الشباب يحوش مثلا
ربنا يهدي
:)
امممم
بالنسبه كل اللي طلب موكا او مطلبش
ففيه مفاجئه
قريبا
:D
بت يا نسرووووووووووووووو
المدونة تحفة التنييييييييين
رااااااااائعة
بجد رائعة
واجدع تسقيفة المعلمة نسرين بنت حتتنا
ويل
ويل يا ويل
هاااايل ياتيموووووون
بجد مبسوطه انك وصلتي هنا
ومبسوطه انها عجبتك
وسمعني سلام اجدع صحاب صحابي من صغري
:D :D
ملحوسه
احم ويل المعلمه وبنت حتيتنا وفتكات والحجات ده مش لازم تسيحيلي بيها
كفايه الحقيقه المره اللي الاخ بتاع الميكروباص فتح عنيا عليها
كدا انت وهو هتضيعوا مستقبلي
:D:D :D:D
نورت ياااكبير
عندك حق يا نسرين ربنا يهدى الناس وكل واحد يعمل ثورة فعلا على مبادئة ونرجع على هدى الرسول مسلمين ايجابين بنائين
Anonymous
ياريت كل واحد فعلا يعامل الناس بضمير شويه
ويعاملهم زي ماهو بيحب انهم يعاملوه
كان حجات كتير اتظبطتت
لكن للاسف
مبقاش فيه مرجعيه في التعامل
:))
المدونه نورت يافندم
:)
عندك حق يا نسرين ربنا يهدى الناس وكل واحد يعمل ثورة فعلا على مبادئة ونرجع على هدى الرسول مسلمين ايجابين بنائين
ربنا يحفظك ويسعدك ويشرح صدرك يارب
النبع الصافي
بجد نورتي المدونه وسعيده انك جيتي هنا
:))
اما بالنسبه للناس ... فدول بقوا غربين جدا الناس بقت اخلاقها صعبه جدا
وفعلا لو لينا مرجعيه كنا ارتحنا
:)
مره تانيه وثالثه وعاشره نوررررتي المدونه وصاحبه المدونه بجد بالزياره ده
:))))
Post a Comment