شئ عم بيصير

بين سريان الخدر في تفاصيلك 

ومقاومتك الوهميه 

وبين لحظات الشك 

الخوف 

والسؤال 

ماذا لو ؟

بين السعاده الحذره 

والانتظار 

في شئ عم بيصير 

nesreen 
بعرف هـ القصص 
3/8/2013

 في شي عم بيصير _ فيروز

" نور "

هو نور في قلب احدهم للاخر 

"الحب"

:)

nesreen
 غيرك ما يحلالي
:)
1/8/2013

يامسافره _ لينا شماميان

تاء مربوطة

تلك الضمة ... الفاصلة والنقطة آخر السطر 

علامات التعجب والاستفهام 

شياكة الهمزه فوق عصايه الألف 

ولا النقطتين فوق التاء المربوطة 

...
..
.

تفاصيل صغيرة لا يهتم بها إلا اؤلئك الرائعون 

نسرين 

صباحكم متشكل بالحركات

:)

19/5/2013

يامشالله _ جوليا بطرس 

قلوب زي البيوت

هو ايه الفرق بين قلب ولد وقلب بنت ؟

الاولاني سكن والتاني مودة 

:)

نسرين 

عارف
 لما تبقي شايل جواك ليا سكن 

:)
11/4/2013

قدرك

قدرك مش هتقدر تهرب منه 

يبقي خليك ناصح 

وحاول علي قد ماتقدر تـ صاحبه 

:)

نسرين 

7/4/2013

اللي يصيبنا اهو من نصيبنا 

:D

الدنيا ريشه في هوا _ منير 

قبل ما تنام

كل يوم بليل 

خش جواك قوي

وخذ نفسك في حضنك

افرد لها ذراعك تنام عليه

واتكلفتو سوا كدا بروحك 

وقلها تصبحي علي خير 

اصلها صعبه تنام لوحدك قوي 

:)

نسرين

6/4/2013 

تصبحي علي خير 

:)

يطير الحمام _ موسيقى وغناء مارسيل خليفه

شعر محمود درويش

عالم خاص

كل واحد جواه عالم تاني 

شخصيات وحياه مختلفه

بحاجات خاصه

بيه لوحده

وهنا 

جزء مني 

كتير ببقي مضايقه او مخنوقه 

مش برتاح الا لما بكتب 

معرفش ليه 

بس حاجه جوايا بتخرج 

بتريح حاجه تانيه 

ولما قررت مرتين اني ابطل كتابه 

مكنتش بستحمل اكثر من شهر 

وارجع اجري علي هنا 

كاني برمي نفسي في حضني 

كاني بدخل جوايا 

وبكلم روحي 

انا هنا برتاح 

انا منكن ايام كتير انام وانا بقرا حجات قديمه 

ايام بنام وانا بقول ايه الهبل ده 

وايام وانا بعيط من اللي بكتبه 

وسعات بحس كتير ان اللي بكتبه لا يعني احد غيري 

فـ ليه حد منكن يضيع وقته ويقعد يقراه 

اقول وقتها ومين قاله اصلا اني محتاجه انه يقراه 

انا مش بكتب عشان حد يقرا 

انا بكتب عشان برتاح 

عشان حاجه بتخرج هنا بتريح حاجه تانيه جوايا 

هنا جزء من عالمي الخاص 

اللي بترمي جواه كل مالدنيا بره بتضيق 

هنا دنيا من ازاز 

بتخلي ناس تشوفني وانا اشوفهم 

بس يفضل الازاز بينا 

وطلما حد جه هنا يبقي انا مش غصباه 

جاي بمزاجه

عشان كدا 

بحس اني هنا برتاح 

كل حاجه هنا مريحه 

الكلام 

والاغاني 

والالوان 

وروحي 

نسرين 

1/4/2013

انه ابريل بكل مشاكله مع قلبي 

النيل _ منير 

نيسـان

الذكريات 

لها روائح معينه 

أصوات ونغمات 

ولها فصول مفضله 

وشهور مخصوصه 

واذا لم يكن نيسان شهر الذكريات 

فاي شهر اخر ؟

لا ذكريات كثيره لي في نيسان 

لكن ذكريات ليست لي تاتي وتذهب 

كانها ارواح حُررت 

لتسكن نيسان 

معرض الذكريات 

وعلي جدار النسيان

أُعلق قلبي 

احرر ذكرياتي مني 

أُعيرها لنيسان 

نسرين 

1/4/2013 

طل وسالني اذا نيسان دق الباب 

بعدك علي بالي _ فيروز 

علي هذه الارض مايستحق الحياه ...

مفهاش حاجه لو ضحكت يعني 

والله مـ هينقص من هيبتك 

ولا هتتحسد 

ومش معني انه عندك مشاكل يبقي تكشر 

افردها شويه وهتلاقي ربنا بيفرجها 

نسرين 
علي الضحكايه علي 
:D 
21/3/2013

علي الضحكايه _ هاني شاكر 

عزيزي الفلانطين :D

إحم 

ايه المشكله يعني اني ابعت مسج للفلانتين ؟

ايه اللي مش طبيعي في الموضوع ؟

!!!

احم 

عزيزي الفلانتين 

يمكن انت متعرفنيش ... بس انا ياحبه عيني اعرفك كويس قوي 

اصل سعاتك رفعتلي ضغطي يجي ثلاث اربع مرات 

وجبتلي شلل رعاش مرتين ثلاثه 

واصابتني بالصداع تقريبا مش اقل من عشر مرات

عزيزي الفلانتين 

في الاول وقبل ما ابداء احب اصارحك بحاجه كدا بس متزعلش مني 

بص 

انا بصراحه كدا مش مقتنعه بيك 

وحاسه انه من العيب قوي انه يبقي فيه يوم للحب 

اصل انا من الناس اللي بيؤمنو بعقيده الحب 

فمن امتي كنا محتاجين سياتك عشان تفكرنا بعقائد جوانا 

عزيزي الفلانتين 

انا مش بلوم عليك انت ملكش ذنب 

مهو العيب اصلا مش عليك 

العيب علي الهبل اللي عملوك

بس بيني وبينك كدا ...  للاسف الناس بقت محتاجه يوم يفكرها بالحب 

مع انه المفروض اننا نعيش يومنا بالحب 

واللي يغيظ اكثر ان اليوم ده انحسر في شكل حب واحد 

علاقه بنت بولد 

طب قولي انت بذمتك اللي زي حلاتي في اليوم ده يعملوا ايه يعني ؟

يولعوا في نفسهم مثلا 

ولا ندور لنا علي حته تانيه لغايه ماسعاتك تشرف وتمشي 

عرفت ليه انا علي مشارف الاصابه بنوبه قلبيه سعاتك ؟

ومع ذلك وحط تحت اللي جاي ده ميت خط 

بص يااخ فلانتين 

انا ببعت لك السنه ده عشان اقترح عليك اقتراح 

متيجي نفتح صفحه جديده سوا 

وياابن الناس مش هتخسر حاجه 

 جرب ما يمكن انفع معاك

انا حلوه والله وهعجبك 

عارف بكره هوريك و هعيش يوم حب محصلش 

مع كل حاجه واي حاجه في وشي 

من الاخر كدا هحب علي نفسي 

:D 

مش قلت لك اني هعجبك 

عجبتك ها ؟ ها ؟

;D

طب خذ ده بقي 

بكره هدور علي حد نفسه يتحب وهحبه 

راجل كبير في الشارع ... ست عجوزه ... عيل غلبان

 اي حد هحبه واديله شيكولاته وهقوله كل عيد حب وانت طيب 

بكره هواتس اب للصبح مع كل الناس اللي عندي كلهم كلهم 

هحب في صحباتي واسلم علي كل اصحابي 

هفكر في كل الناس واتمني انهم يلاقوا حبه حب في اليوم ده

هساعد ماما في البيت وده طبعا قمه التضحيه مني وانت عارف 

:D 

عزيزي الفلانتين 

مش هستخبي في اليوم ده 

ومش هخاف اشوف كل واحد ماشي مع واحده وجايب لها ورد 

اصل الحب مش بالورد ولا باللبس الاحمر 

منتا عارف اللي فيها 

عزيزي الفلانتين 

اممممم

مش هكذب عليك برضو 

بصراحه كدا كان نفسي في ورد وشيكولاته 
اه عادي يعني منا بنت برضو 

بس صدقني مش زعلانه منك 

اصل انت ملكش ذنب يعني 

هو انت هتعمل ايه ولا ايه ياعيني 

:)

بص بقي من غير زعل كدا 

انا هستغلك 

وهطلب منك طلب 

منكن لو تقدر تخلي كل الناس اللي بحبها 

يحسوا بيك بكره 

يتبسطوا بيك بكره 

عشان خاطري والنبي 

:)

كمان انا عايزه اهدئ اهداء صغنن 

لــ خوخه (عروستي ) بندقه(عربيتي ) سوسن (كاميرتي ) اشرف _ موبايلي 

عايزه اقول لهم انا من غيركم اضيع 

واهداء اخير 

لجميع قاطني الكره الارضيه 

اغنيه منير 

ربك لما يريد 

خصوصا مقطع 

حب كأنك حلم معدي ... عيش  

ماتخليش ولا ثانية تعدي... عيش 

خدني لحضنك اروي حنينك 

واقسم حزنك بيني وبينك 

وارضى بكل اللى بيتقسم 

ده المكتوب مكتوب

نسرين 

اهلا فلانطين 

:D 

14/2/2013

غض النظر عني

سيبك مني

عشان انا عاشقه

ياحزن

للحياه

نسرين
:D
1/2/2013

سنجل

انك تكوني سنجل 

مش دافع ان صحباتك يخبوا عرسانهم منك 

ولا يستخدموا مصطلح اصحاب العريس كورقه ضغط عليكي لحضور خروجه او فرح 

(ايه الاغراء في اصحاب العريس يعني ؟)

ولا معني انك سنجل انك متشتركيش في عروض فودافون مثلا 

ولا ده يدي الحق لجارتكم انها تجبلك عريس لكل مناسبه 

رافه وشفقه طبعا علي حالك 

ولا مبرر برضو انك تشوفي اشكال ميعلم بيها الا ربنا من العرسان 

ولا يخلي امك تسالك بعد كل فرح 

ها ايه الاخبار؟

اكيد انت فاهمه قصدها بالسؤال 

:D 

انك تكوني سنجل 

بكل بساطه 

معناه 

انه في مكان ما فيه واحد دايخ عليك "

" ومستني بس الوقت المناسب عشان يفاجئك 

نسرين 

for you i'd wait

29/1/2013

دغدغه داخليه

...(الـ اسبرسو)

اشرب هذه الايام القهوه وادعي كالكبار الاستمتاع بها 

وفي الحقيقه 

مررتني ومررت عشتي

***

...(فقريه)

انا والارتباط خطان متوازيان

علميا 

التقاطع بينهم ضرب من ضروب المستحيل 

***

...(مراهقه ممتعه)

مراهقه متاخره بدأت اعراضها في الظهور 

درويش هو قصه حبي الجديده 

وفوده .. ادمنت النوم علي صوته حتي وان تحدث عن الماسونيه 

***

...(ادمنتك)
في اليوم ساعه تملكني واملكك 
بدونها لا وجود لليوم 
وفيها لا وجود لنا في ذاكره اليوم 

***
...(نظريه الاكتفاء الذاتي)

تنص علي ان الانسان يمتلك القدره علي التكاثر ذاتيا

عن طريق الانشطار الذاتي 

بشرط ان يتحول من حوله الي كائنات نذله احاديه الخليه 

***

...(ياهذا)
لست انت من تركتني 

ياصغيري 

انا ان اردت امرت الهوي عاد 

ولكني هويت حلم جديد 

فصدق هذا او لا تصدق 

***

...(حلم)

اخذت بيدي الى المدي وفقدتني 

ياحلم ضعت منك ام ضيعتني 

ياحلم قد اتعبتني 

واضناني الانتظار 

فـ متي تعود ؟

نسرين

هلوسه ماقبل الامتحان 

2/1/2013
12:10 am

الشئ المفقود

في بعض الاحيان 

ابحث عن شئ لا ادري ماهو 

واقضي يومي ابحث 

الي ان ينهكني التعب 

فاستسلم للنوم 

نسرين 

ولايزال البحث مستمر

1/1/2013

الساعه اتناشر

الساعه اتناشر بالظبط 

نفسي امسك بالونه بيضه واطيرها * 

نفسي اكل ايس كريم من باسكن روبنز وابل البسكوته بتاعته *

نفسي اكون عند نافوره دبي *

نفسي مشوفش ورق الكلينكال قدامي تاني *

 نفسي حد يعبرني ويقولي كل سنه وانت طيبه *

:D 

نسرين 

31/12/2012

درويش

درويش 

حنيني اليك .. اغتراب

ولقياك حلم 

عندما اقرا لـ درويش الحب

اجدني غير قادره سوى علي الحب

والعشق حتي اغمص قدمي

كما ينبت العشب بين مفاصل صخرة"

وجدنا غريبين يوما

و كانت سماء الربيع تؤلف نجما ... و نجما

و كنت أؤلف فقرة حب..

لعينيك.. غنيتها!

أتعلم عيناك أني انتظرت طويلا

كما انتظر الصيف طائر

حبيبان نحن، إلى أن ينام القمر

صديقان نحن، فسيري بقربي كفا بكف

معا نصنع الخبر و الأغنيات

أحبك حب القوافل واحة عشب و ماء

 "و حب الفقير الرغيف !"

وحينما اقر درويش الحزن

استعذب الذكريات

واشتهي الحنين الموجع

وايضا اعشق حتي اغمص قدمي

"الحنين هو مسامره الغائب للغائب

والتفاتات البعيد للبعيد "

درويش وحده من عَرف هوس الانتظار

"في الانتظار يصيبني هوس برصد الاحتمالات الكثيره "

من علمني النسيان بكبرياء

لا أُحبُّكَ، لا أكرهُكْ ـ " 

قلبي مليء 

"بما ليس يَعْنيك"

كذلك مع الثوره و الغضب

لا تملك سوى عشق التراب حتي اخر نفس

حاصر حصارك لا مفر"..

اضرب عدوك لا مفر..

سقطت ذراعك فالتقطها

وسقطت قربك فالتقطني

واضرب عدوك بي

"فأنت الآن حرٌ وحرٌ وحرٌ

مع درويش تعشق القهوه بمرارتها

يكون هناك تفسير للاسود الداكن بغموضه

القهوة لا تُشرب على عجل، القهوةٌ أخت الوقت تُحْتَسى على مهل، القهوة صوت "

"المذاق، صوت الرائحة، القهوة تأمّل وتغلغل في النفس وفي الذكريات

درويش حاله الحب لكل موجود

ايا كان

حزنا او اغتصاب

بكاءً او اجترار

امل الفردوس الضائع

عفوا

الفردوس المغتصب

كما يحب ان يسميه

" ونحن لم نحلم باكثر من حياه كــ الحياه"

عندما تقرا درويش

تعشق هويتك العربيه مره

وتلعنها الف مره

سجِّل"

أنا عربي

ورقمُ بطاقتي خمسونَ ألفْ

وأطفالي ثمانيةٌ

وتاسعهُم.. سيأتي بعدَ صيفْ!

فهلْ تغضبْ؟

سجِّلْ

أنا عربي

وأعملُ مع رفاقِ الكدحِ في محجرْ

وأطفالي ثمانيةٌ

أسلُّ لهمْ رغيفَ الخبزِ،

والأثوابَ والدفترْ

من الصخرِ

ولا أتوسَّلُ الصدقاتِ من بابِكْ

ولا أصغرْ

أمامَ بلاطِ أعتابكْ

"فهل تغضب؟ 

درويش وحده من يستطيع ان يلقي باوامره 

للماضي والحاضر والمستقبل 

“أيها الماضي ! لا تغيرنا… كلما ابتعدنا عنك "

أيها المستقبل: لا تسألنا : من أنتم؟

 "أيها الحاضر ! تحملنا قليلا، فلسنا سوى عابري سبيل ثقلاء الظل

***

درويش لا يشبه رجال بلدتي

فاين هم من تعشق معهم 

  حزنك حنيينك ضعفك آلمك؟

يتضاعفك برؤياهم أملك

ويتحقق باللقاء حلم من احلامك

حبهم  يروي كبريائك

  درويش
لا اجد في فتيان حارتنا منك شئ
!!!

درويش 

حنيني اليك اغتراب عن بلدتي

ولقياك حلم 
درويش ياصيفي الاخضر يا اجمل اجمل الواني
بي امل ياتي ويذهب ... لكن لن اودعه 

درويش 
نسيمك عنبر وارضك سكر 
واني احبك اكثر 

نسرين 

مع كتاب 

" يوميات الحزن العادي " 

وفنجان قهوه

15/12/2012

"النصوص بين القوسين مقتبسات من اشعار محمود درويش"

متيلا بقي يا شتا

بقينا في نص ديسمبر 

واخر السنه 

او بدايه السنه 

الله

متيلا بقي يا شتا 

!!!

عارفاك 

بتقلب الجديد والقديم 

بتنغز فـ الحته الشمال عندي كتير

بس وحيات الحاج والدك تيلا برضو

طلعت الشتوي 

وخفيت الصيفي 

جبت بوت جديد 

وكمان بلوفر

انا جهزت كل حاجه 

يلا انت بس وملكش فيه 

ده حتي انا جبتلك 

شمسه 

اه والله 

ده عمري مــ عملتها حتي وانا عيله 

بس عشانك المره ده جبتها 

ومش معني كدا اني هستخبي من المطره 

تؤ تؤ 

اطلاقا

انا بس نفسي اشيلها زي العيال الصغيره

فــ والنبي تيلا بقي 

اصل ريحتك وحشتني قووي بقي بقي

:)

متيلا بقي ياشتا

نسرين 

9/12/2012

:) ازي تعرف انك وحشت ربنا

ازي تعرف انك وحشت ربنا ؟

ساعات عشان وحشنا ربنا قوووي

ياخذ مننا حاجه محتاجنها قووي 

عشان نجري نترمي عنده ونتكلم معاه شويه 

ولو كنا واحشين ربنا زياده بقي 

يسيبنا 

ومش يدينا الحاجه اللي بنحبها بسرعه

عشان مش ناخذها ونمشي 

ونفضل عنده شويه كمان

:)

نسرين 

احبك ربي 

2:30 am

1/12/2012

ديسمبر هذا العام

ديسمبر له طقوسه الخاصه جدا عندي 

دائما وابدا يزدحم باحداث جديده 

لم اكن اتوقعها 

ديسمبر هذا العام 

سيزيد صندوقي رساله جديده 

ديسمبر 

ارجوك 

لنكن مختلفين هذا العام 

ديسمبر 

"لن تكون لغير السعاده هذا العام "

نسرين
ديسمبر بحبك آآآآآآد البحر 

30/11/2012