كونك بسيط مش معناه إنك حد عادي
ياحبيبي
أصله مفيش أبسط من الوان قوس قزح
:)
:)
نسرين
10/6/2013
سلام عليك
:)
كنا نتلاقى_فيروز
Sunday, October 6, 2013
Sunday, September 22, 2013
ضحك دافي
الضحك فيه منه انواع كثيره
اجملهم الضحكه الدافيه المتلخبطه
اللي تودي براك لـ جوه
وتجيب جواك وتطلعه لـ بره
في ضحكتك طريق حريه
:)
22/9/2013
لوحدك_ فيروز كروايه
Thursday, August 8, 2013
Saturday, August 3, 2013
شئ عم بيصير
بين سريان الخدر في تفاصيلك
ومقاومتك الوهميه
وبين لحظات الشك
الخوف
والسؤال
ماذا لو ؟
بين السعاده الحذره
والانتظار
في شئ عم بيصير
بعرف هـ القصص
3/8/2013
في شي عم بيصير _ فيروز
Thursday, August 1, 2013
" نور "
هو نور في قلب احدهم للاخر
"الحب"
:)
غيرك ما يحلالي
:)
1/8/2013
يامسافره _ لينا شماميان
Monday, July 29, 2013
Monday, July 8, 2013
حداد
غياب اؤلئك الذين يمسكون بيدك وقت الحزن
يخففون الغضب
يهونون القهر
يجعل كل هذا لا يحتمل
***
محتاجه ادفن راسي واعيط واصرخ
اكسر واغضب
كتم كل ده صعب
ربي اشكو اليك ضعفنا وقله حيلتنا
وهوننا علي الناس
# حداد # مجزره الحرس
Wednesday, July 3, 2013
أُكلت يوم أكل الثور الابيض
الفكره مش فكره مرسي
ولا انا اخوانيه ولا كنت بحبهم اوي
لكن عمري ماحسيت بالقهر زي النهارده الا يوم ما اعدمو صدام بدل الاضحيه
الفكره مش فكره اخوان ولا مرسي
الفكره فكره انعدام انسانيه ومبادئ وحريه
الفكره فكره أُكلت يوم أُكل الثور الابيض
نسرين
كل العرب ليسو اخواني ...
وليس لي الشرف ان تكون بلاد العرب اوطاني
4/7/2013
فلـ يحيا هتلر والنازيه
Monday, July 1, 2013
منكن ^^
بما ان عيد ميلادي قرب قوي
شويه ايام كدا
وبما انه هيبقي ليا حق اني اتمني امنيه واطفي الشمع والكلام ده
وبما اني كل سنه بحاول ابسط نفسي فيه
عايزه اطلب منك طلب
منكن تحققي امنيتي السنه ده
منكن تكون معايا
وتبسطني
!!منكن
:)
نسرين
1/7/2013
عشان خاطري
:)
ياورد علي فل _ عايده الايوبي
Friday, June 28, 2013
عرفي الحب ياماما !!
في لقاء من اللقائات الاسطوريه بتاعتهم
وعلي نفس الترابيزه في سيلانترو
وقدامهم نفس المشاريب بتاعت كل مره
الموكا اللي مش بيحبها
وبيشربها مجامله للهانم
الموكا اللي مش بيحبها
وبيشربها مجامله للهانم
طرح عليها احد اسئلته اللي بتصيبها بالشلل الرعاش
:D
قال لها : قولي ليا هو ايه الحب من وجهه نظرك ؟
بصت له كدا بتسبيله وابتسمت
رجع وقال : انطقي ياماما ؟
رجع وقال : انطقي ياماما ؟
فضلت تبص وتسبل وتبتسم
غاضبا قال : بكلم نفسي انا ... ياماما متنحيش كدا الناس بتبص عليكي
قالت له : الله منا بعرفه اهو يااخي ... متفهم بقي
عادت لتنظر اليه وابتسامتها تتسع وتتسع
...
..
.
...
..
.
اخيرا قررت انها تدهشه وتشله شويه زي مابيعمل فيها كل مره
واخيرا قرر انه يديها علي بوزها عشان منظره بقي وحش قوووي قدام الناس
واخيرا قرر انه يديها علي بوزها عشان منظره بقي وحش قوووي قدام الناس
:D
الحب هو تلك الابتسامه الناعمه "
" التي فرضت نفسها علي الوجود
نسرين
واللي فـ خيالك مسموح لك
;D
28/6/2013
بقينا لبعض _ منير
Thursday, June 27, 2013
عن الوحده اتحدث
الامر اشبه بان تغرق سفينتك في عرض المحيط
فتصبر نفسك وتقنعها انك اذا واصلت السباحه ستنجو
ستاتي ساعه ما يظهر فيها المنقذ
ومع مرور الوقت يتملكك التعب والانهاك
تصاب بنوبات الجنون
تضحك تاره وتبكي بعدها مباشره
ترسل صرخات الاستغاثه وانت تعلم انه لا يوجد احد
فجاءه تبتسم
تترك ذراعك لترتخي الي جانبك
تستسلم للنعاس
وتدعو من كل قلبك ان يحدث ذلك سريعا بدون الم
نسرين
عن الوحده اتحدث
27/6/2013
علشان يشبهلك _ منير
Saturday, May 25, 2013
مفيش مانع ..
قالها: خايف تسيبيني
ضحكت اوي وقالت له : انت متعرفش ولا ايه ؟
انا مبسبش انا بتساب بس
قالت له ... متخفش
وقتها كانت من جوه هي اللي خايفه
وخوفها اتحقق
:)
نسرين
متخفيش :)
25/5/2013
مفيش مانع _ فيروز كرويه
Sunday, May 19, 2013
تاء مربوطة
تلك الضمة ... الفاصلة والنقطة آخر السطر
علامات التعجب والاستفهام
شياكة الهمزه فوق عصايه الألف
ولا النقطتين فوق التاء المربوطة
...
..
.
..
.
تفاصيل صغيرة لا يهتم بها إلا اؤلئك الرائعون
نسرين
صباحكم متشكل بالحركات
:)
19/5/2013
يامشالله _ جوليا بطرس
Friday, May 10, 2013
المدعون
وعن الرجال
دعوهم يثرثرون
يدعون
يكذبون
فـ ستظل انت بعيني كل الرجال
اسما
صفةً ومعنى
نسرين
10/5/2013
:)
Wednesday, May 8, 2013
why?
when something happen before ...
if it coming again it's not come more painful but it will be deeper
it's not related acceptance or rejection
there is only why ?
:)
نسرين
5/8/2013
:)
حواديت _ منير
Friday, April 26, 2013
نصائح من ذهب :)
مره حد نصحني وقالي لما تبقي مخنوقه
اعملي حاجه مش بتحبيها خاااالص
اشربي عصير بتكرهييه
اخرجي مع ناس مش بطقيهم
احضري محاضره لدكتور مش بتفهمي منه حاجه
وطول المحاضره وقفيه كل شويه واسئليه اسئله
غريبه ... من الاخر كرهيه في اليوم اللي اختار مهنه التدريس
وكانت نتيجه النصيحه كالتالي
لبست لبس فضائي الوان مستفزه وملهاش علاقه ببعض
دخلت المحاضره ايها ومن كتر الضحك انا واصحابي علي لبسي
والاسئله الشلل اللي كنت بسئلها اطردت انا واصحابي من المدرج
:D
اخر اليوم
دخلت اغلي محل سوشي وقلت له هاتلي اغلي طبق عندكم
احب اقول انه رغم ان الدكتور حطني في دماغه
والناس اتريقت عليا وعلي لبسي
وكنت هدخل المستشفي بسبب الكائنات الغريبه اللي كنت باكلها
واعيط من القرف
ولا الصدمه العصبيه اللي توافقت مع دفع الحساب
الا اني فعلا بجد بقي اتهلكت ضحك علي النصيحه التييت ده
وعلي الهطل اللي خلاني اجربها
:D :D
***
مره تانيه الدكتور النفساني اللي كنت بروح له نصحني وقال
مترتبطيش قبل ثلاث او اربع سنين
ايه العبط ده ... ودوره حياه الجراده تستمر ازي ؟؟؟
ياااهبل
!!
بعدها بشهور كنت مخطوبه
وبعدها بشهور تانيين رجعت وقلت له
كم كنت علي حق ايها الطبيب النبيه
ولتذهب دوره حياه الجراده الي الجحيم
:D :D
***
مره بقي انا كنت مخنوقه جدا
فنصحت نفسي انه عشان اغير المود ده
اعملي يابت يانسرين حاجه مجنونه بتخافي منها
قمت لفيت الطريق الدائري كله تقريبا بسرعه 120
وكانت اول مره اصلا اسوق علي الدائري
وكانت النتيجه مخالفات بالعبيط
بي المهم اني كـ نسرين
انبسطت
:D
***
كمان مره كان متقدم ليا عريس
فنهي صحبتي نصحتني النصيحه الذهبيه
بت يانسرين
البسي الفستان الجري بتاعك
بيرفعك ويظبط معاكي
وكانت النتيجه
ان العريس المبجل رفضني
وام العريس الفطن
قالت عليا معصعصه وهيا عايزه واحده بخيرها لابنها
منك لله يانهي طيرتي مني الباشمهندز
مش هتبطلي بقي نفسنه البنات ده
:D :D
***
انها بعض النصائح العظيمه
اللي اثرت فيا شخصيا
وخلتني بجد اموت من الضحك
تبا وسحقا للفتي والفتايين
سعات بيبقي نفسي اقول للناس ده
اذا كان الكلام من فضه فالسكوت يابشر من مااااااس
ارحمونا بقي
:D
الدنيا لو جارحه
لونها لون فرحه
:D
26/4/2013
الفرحه _ منير
Sunday, April 21, 2013
حاله
هناك فرق بين حبك لحالة الحب
وبين انك تكون حقيقي بتحب
فرق بين السما والارض
...
...
..
.
نسرين
وشكلي بجد كنت مجرد حاله
:)
21/4/2013
هتمنى له الخير _ انغام
Thursday, April 18, 2013
قوس قزح
اكيد انت كائن
روحه بـ لون قوس قزح
نسرين
صباحك نور ايها الوجود الرائع
♥
18/4/2013
عيناك ليال صيفيه _ ماجده الرومي
Wednesday, April 17, 2013
شحاته ..تسول ..من الاخر كدا شحتفه :D
لما تكون الشحاته منك
اكون انا
اكبر متسوله
اممم
اكبر محتاله كمان
;D
***
انت كتير قوي
هات حبه بقي
:D
نسرين
شحاته .. تسول .. شحتفه
سميها زي ماتحب
المهم اطول حاجه منك
♥
حبيبي صباح الخير
او مساء الخير
حسب التوقيت المحلي
لـ قلبك
:)
17/4/2013
حبيبي صباح الخير _ ماجد المهندس
Tuesday, April 16, 2013
حضن !!
متعرفش تلم كراكيبي كدا
فـ حضنك
!!
نسرين
اكيد للبعتره اخر
:)
16/4/2013
وحشاني بلادي _ كارول سماحه
Friday, April 12, 2013
:)
لما بفتكر حاجه بتوجع
بتخلي جسمي يتكهرب
وتخليني اعيط جامد
ابص لفوق واقوله
مش انت اللي عملت كدا
وخلقك اللي عايروني بقدرك
اتصرف بقي
راضي قلبي
نسرين
يارب
:")
12/4/2013
Thursday, April 11, 2013
وقت بكتبلك
علي فكره انا لما بكتب لك
ساعات ببقي جنب اصحابي
وساعات يخطفو مني الورق
اسيبهم واقعد اضحك
أصل حبي ليك مش حاجه تكسف عشان اخبيها
نسرين
جننت اصحابي
;)
11/4/2013
ياحلو _ اميمه الخليل
من سرينـا
هو : انت عامله ايه دوات ؟
هي : كويسه
هو : اه كويسه بتاعتك ولا بتاعتنا ؟
هي : بتضحك وترد
لا كويسه اللي بيجي بعدها الحمد لله
عارفها ده
:D
هو : مش عارف بحس انك من موزمبيق
هي : اشمعنا موزامبيق ... انا بصراحه بفضل تنزانيا
:D
هو : لا اصل عندك قاموس لوحدك كدا
الواحد مش عارفلك شكلك مش مصريه
هي : انا فعلا مش مصريه
هو : امال انت ايه طيب ... مصيبه لتطلعي جاسوسه
هي : فيك من يكتم السر ؟
هو : قولي يابنت عمي
هي : طب انت اخذت دوا الضغط النهارده ؟
:D
هو : اللي يعرفكم لازم يمشي بيه في جيبه
هي : طب بص
انا مش من كوكب الارض اصلا
هو : الله اكبر
هي : اسمع بس
انا من كوكب اسمه سرينا
سبت شعبي وجيت عالارض ادور علي حاجه جديده
شعبي مش مؤمنين بيها رغم انهم بيعشوها
حبيت اثبت لهم اني صح
للاسف انا مقدرش ارجع
وده كان الشرط الوحيد عشان اجي هنا
لكن انا بتكلم معاهم
وهما بيراقبو حياتي
للاسف برضو انا عماله اخسر الرهان
لكن هيجي يوم واكسبه
ويومها هتلاقي مخلوقات مجره تيلانا
وبالذات شعب سرين بينزلو عالارض من غير خوف
سري في بير زي مااتفقنا ؟
هو : اممم طب متشوفي ليا عروسه عندكم
هي : كان نفسي
شعبي بيخاف ينجرح
عشان كدا الاختلاط بسكان الارض محرم عندنا من زمان
كان نفسي ارجع ثقه شعبي فيكم
بس كل مره بحاول بسجل فشل ذريع
هو : هو انا وحش قوي كدا ؟
هي : تضحك قوي وتقول
لا مش انت بس شعبك هو اللي وحش
متيجي تساعدني نغير الناس ده
هو : لا خليك في المشوار ده لوحدك
هي : مش بقولك .. سكان الارض دول ميجيش منهم
هو : طب عندكم نت هناك ؟
هي : تؤ تؤ
بس عندنا احساس
نقدر نكلم بعض ونحس ببعض عن بعد
بنغمض عينا ونفكر في اللي وحشنا جامد
ووقتها بيتبني بينا حاجه زي الجسر كدا
نقدر وقتها نقول كل اللي عايزينه من غير كسوف
هو : طب اشمعنا البيت بتاعكم اخترتيه وانتي نازله من الكوكب ؟
ولا انتم عيله نزلتو مع بعض ؟
هي : لا للاسف انا نزلت لوحدي
ومكان نزولي انا مخترتهوش
حدده شئ بتسموه عندكم علي الارض بالـ قدر
هو : وعندكم بتسموه ايه ؟
هي : اممم للاسف مقدرش اقولك
ده سر من اسرار سرينا
لكن اقدر اقولك مفهومنا عنه
هو شئ بيحدد بعض الثوابت في حياتك
هو شئ بيحدد بعض الثوابت في حياتك
ويسيب لك حريه اختيار طرق تسخير الثوابت ده لمصلحتك
وانه قدامكم كتير قوي كـ بشر عشان تفهمو حقيقه القدر
هو : ايه الكوكب العجيب ده ؟
طب عندكم ناموس هناك
:D
هي : اه بس احنا والموريال بنتعايش مع بعض
مش بنتضايق منه يعني لانه مش عدواني زي عندكم
هو : انت قلتي الكلام ده لحد قبل كدا ؟
هي : لا انت اول بشري يعرفه
هو : كويس
هي : في حاجه ؟
هو : قومي نامي
:D
هو : مدثر _ كائن ارضي
هي : نسرين _ من سكان سرينا
11/4/2013
Sharmoofers _ كوكب
قلوب زي البيوت
هو ايه الفرق بين قلب ولد وقلب بنت ؟
الاولاني سكن والتاني مودة
:)
عارف
لما تبقي شايل جواك ليا سكن
لما تبقي شايل جواك ليا سكن
:)
11/4/2013
11/4/2013
Wednesday, April 10, 2013
إسود الليل
الوطن ليس اسم يكتب في بطاقه الهويه
وليس الجواب الذي امنحه لـ كل من سألني عن الجنسيه
فانت كنت لي يوماً وطنْ
ولم يُكتب اسمك في هويتي
هي كانت لي ارضاً
ولم أُمنح الجنسيه
كل شئ كان يَنزع من روحي شئ
ليصبح جزء من الوطن
ذكرياتنا هي الوطن الحقيقي
وطنا لم يُفرض علينا بل اخترناه وصنعناه
ذكرياتنا هي الهويه
نسرين
لا تغرب احد رآك وطناً
واعد لي الارض كي استريح
10/4/2013
اسود الليل _ جوليا بطرس
اناديل
عارف المره ده عايزه احكيلك عن حجات كتير غريبه بتحصل
وحجات مهمه جدا لازم اخذ رايك فيها
نفسي احكيلك عن الاحلام الوحشه اللي بقوم مفزوعه منها
وعن البنات الغبيه اللي وجعوني بكلام وحش
وانا والله مش عملت لهم حاجه بس هما كانو عايزين يضايقوني وخلاص
وكله كوم و الكائنات الفضائيه اللي بقابلها مأخرا كووووم تاني خالص
ده انا هموتك من الضحك عليهم
ده انا هموتك من الضحك عليهم
:D
... فيه حجات كتيره قوي انا بقالي فتره مش عارفه اقعد معاك واحكيها لك
بس خلينا ناجل كل الحجات ده لبعدين
انا عايزه اكلمك دوات عن حاجه كدا ... بص من غير ماتتعصب ولا تتنرفز
ولا تضحك كمان ... انا هحكيلك علي جنان صغنن كدا
اصل انا المره ده طالع في دماغي اربي اناديل بحر
...
...
..
.
مش تضحك بقي
انا بتكلم بجد
... اصلي انا شفتهم لما سافرت
الوانهم حلوه قوي علي فكره وبتتغير كل شويه كل شويه بسرعه قوي قوي
انا نفسي فيهم في الاوده عندي عشان لما اطفي النور يقعدو ينورو ليا واتفرج عليهم
عشان كمان اريحك شويه من حدوته قبل النوم
اللي اصلا كل ليله بستناها وتروح عليا نومه قبل ما تبتدي تحكي
وكمان العنايه بيهم سهله وانا سالت وقرات عنهم كتير
...
..
.
اقولك حاجه ... انا بخاف انام لوحدي
مش بعرف
عشان كدا بحب اكلمك
وانت دايما مشغول مش عارفه بايه
فبقعد اتفرج عي كونان لغايه مااروح في النوم
بس بقوم مصدعه جدا
عشان كونان بيفضل يرغي طول الليل
فالقناديل حل مثالي
المشكله بقي انا مش عارفه ادخلهم البيت ازي
بعيدا عن سعرهم الغالي جدا جدا
فانا مش عارفه اهربهم ازي
اكيد مش في كيس بلاستك مثلا ولا في شنطه ايدي برضو
مش عارفه اعمل ايه
وانا مصره بقي علي موضوع القناديل ده
فشوفلك حل
اتصرف يااخي
انا عايزه عشر اناديل
هسمي واحد مرهف والتاني مرعي والباقي لسه بفكر لهم في اسماء
ها قولت ايه بقي ... وحياتي عندك
ومتحسسنيش اني بقولك هربي تمساح مثلا ولا اسد
دول اناديل كوتي كوتي خالص
:D
نسرين
يارب تكون فهمت
10/4/2013
عارفه _ الحجار
Monday, April 8, 2013
ملائكه
النظره بمعني تاني
واللمسه فيها احساس مختلف
كل نغمه تعرفها ليها ايقاع جديد
لو عايز تعرف ادراك اوسع للحياه
جرب تقرب من طفل توحد
التوحد عالم حقيقي
عالم ملائكي
:)
8/4/2013
انسان _ نمره
Sunday, April 7, 2013
قدرك
قدرك مش هتقدر تهرب منه
يبقي خليك ناصح
وحاول علي قد ماتقدر تـ صاحبه
:)
نسرين
7/4/2013
اللي يصيبنا اهو من نصيبنا
:D
الدنيا ريشه في هوا _ منير
Saturday, April 6, 2013
قبل ما تنام
كل يوم بليل
خش جواك قوي
وخذ نفسك في حضنك
افرد لها ذراعك تنام عليه
واتكلفتو سوا كدا بروحك
وقلها تصبحي علي خير
اصلها صعبه تنام لوحدك قوي
:)
نسرين
6/4/2013
تصبحي علي خير
:)
يطير الحمام _ موسيقى وغناء مارسيل خليفه
شعر محمود درويش
Thursday, April 4, 2013
بنات
البنات
مشاوير كتير
حكايات وقصص
فيها من التفاصيل اللي يخلي قلبك يدق
البنات
زي الفصول
فيهم اللي مليانه دفا وفيهم كتير من برد الشتا وفيهم ربيع والوان
وفيهم خريف وقعت كل اوراقه
بس شجره لساه ضارب جدوره في الارض
وواقف بيضحك
مستني
فصل جديد
البنات دول قصص غريبه
حكاوي مش بتتقال
حكاوي البنات تتحس
البنات
ساعات لما بتكسف بتضحك بصوت عالي
عشان تداري على نفسها كسوفها
وعنيها بتتملي بالدموع
بسرعه
لما بتخاف
البنات
جواها متاهات
هيا ذات نفسها تايهه فيها
لكن لما تقصدها في حاجه
بتنسى خوفها وفصولها
تواهنها
بتنسى نفسها
وبتبقي اجدع من ميت راجل
جامده وواثقه
وطمنك
تشيل من خوفك لو منها قربتك
مع انها نفسها في اللي يشيل عنها شويه
البنات
كلام منكن تفهمه
وكلام كتير صعب انك تستوعبه
نسرين
4/4/2013
ألآء وأسماء
البوست اهداء خاص ليكم
:)
ليال الشمال _ فيروز
Subscribe to:
Posts (Atom)