أقولك علي سر ؟!!

 

!!اقولك علي سر ؟

قولي

بس هو عبيط شويه

وانا بحب حاجاتك العبيطه ده

!!طيب مش هتضحك عليا ؟

لا مش هضحك قولي بقى

 

(انا عنيا بتطلع نجوم لما بتكلم عنك)

^^ 

نسرين
وانت لي عالم من الخيال
4/13/2014

لما حدي بتكون_مي جمعه

خناقه

 

كل خناقاتهم عباره عن: 
 هي عايزه تتخانق دوات وهو ملوش مزاج يتخانق دوات
هو في الاخر بيطر ياخذها علي قد عقلها ويخليها تتخانق دوات
هي بكل عصبيه: عاجبك كدا اديني نسيت احنا المفروض نتخانق ليه

 

 

نسرين

(مجانين واتلمو علي بعض)

^_^

8/4/2014

 

 

 

شو صاير بحالك _ جوليا بطرس

عرفي الحب ياماما !!

في لقاء من اللقائات الاسطوريه بتاعتهم 

وعلي نفس الترابيزه في سيلانترو 

وقدامهم نفس المشاريب بتاعت كل مره
الموكا اللي مش بيحبها
وبيشربها مجامله للهانم 

طرح عليها احد اسئلته اللي بتصيبها بالشلل الرعاش 

:D 

قال لها : قولي ليا هو ايه الحب من وجهه نظرك ؟

بصت له كدا بتسبيله وابتسمت 
رجع وقال : انطقي ياماما ؟

فضلت تبص وتسبل وتبتسم 

غاضبا قال : بكلم نفسي انا ... ياماما متنحيش كدا الناس بتبص عليكي

قالت له : الله منا بعرفه اهو يااخي ... متفهم بقي 

عادت لتنظر اليه وابتسامتها تتسع وتتسع
...
..
.

اخيرا قررت انها تدهشه وتشله شويه زي مابيعمل فيها كل مره
واخيرا قرر انه يديها علي بوزها عشان منظره بقي وحش قوووي قدام الناس 

:D

الحب هو تلك الابتسامه الناعمه "

" التي فرضت نفسها علي الوجود 

نسرين 

واللي فـ خيالك مسموح لك 

;D

28/6/2013

بقينا لبعض _ منير 

مفيش مانع ..

قالها: خايف تسيبيني

ضحكت اوي وقالت له : انت متعرفش ولا ايه ؟

انا مبسبش انا بتساب بس 

قالت له ... متخفش 

وقتها كانت من جوه هي اللي خايفه 

وخوفها اتحقق 

:) 

نسرين 
متخفيش :)
25/5/2013 

مفيش مانع _ فيروز كرويه 

ضايعه

هو وهي

هو: قوليلي بقي ... حبيتي قبل كدا ؟

هي: ابتسامه ناعمه

ومين فينا يقدر ميحبش 

!!!

هو : كام مره بقي ؟

هي : امممم صعب اقولك بصراحه 

اصلي مش هقدر اعد

:)

هو : نظره صدمه ... وبطريقه استهزاء 

ده انت علي كدا مقضياها بقي

!!!

هي : نظره لوم ... وابتسامه 

 ....جرب تحب نفسك

 وبعدها مش هتقدر تعد الحجات ولا الكائنات اللي هتقع في حبها 

فهمت بقي يابو مخ ضايع

!!!

هو : ضحك عالي

ده انت اللي ضايعه في عالم تاني يابنتي

هي : ابتسامه عريضه وبطريقه بتغيظه

وانت ايه اللي مضايقك

هو : اني مش ضايع معاكي 

:)

هي : خلاص هبعتلك انفيتيشن من العالم الثاني

:P

هو : موافق ... مهو يتبقي معايا هنا يابقي معاكي هناك

هي : مجنون

هو : ضايعه

هو وهي : ضحك عالي 

نسرين 

بينه وبينها .. ضعت انا

:)

29/3/2013

راح سميك _اميمه الخليل 

أتقدر!!؟

قال لها بماذا تامرين ؟

ابتسمت 

اعاد : ما تامرين ؟

ابتسمت 

 قليل من الوقت ثم اخرجت ورقه

كتبت عليها

هل تستطيع ان توقعني في حبك كل يوم" 

هل تقدر ان تكون بطلي في كل قصه 

وان تجعلني امرأه 

انت رجلها الوحيد 

"أتقدر!!؟

قليل من الوقت 

سحب الورقه وكتب عليها 

اقدر 

:)

نسرين 

أتقدر؟

27/1/2013

هو وهي "1"

الساعه واحده الفجر 

هو: في سابع نومه 

هي: بتتقلب من الوجع 

الساعه اثنين ونص الفجر 

هي: بتعيط من الوجع 

هو: بيعملها كوبايه قرفه دافيه 

الساعه اربعه الفجر 

هي: بتحاول تنام 

هو: قاعد جنبها بيحكي لها حدوته

الساعه سبعه الصبح 

هي: في سابع نومه 

هو: بيتسحب علي طراطيف صوابعه

الساعه تسعه الصبح 

هو: في مكتبه وبيفتح ورقه غريبه

... لقاها في جيب بنطلونه 

هي: حطت له ورقه صغيره في جيب بنطلونه 

... وكتبت فيها 

انت اللي شبهك انقرضو "

انت اصلا فريد من نوعك

وانا بنت المحظوظه اللي اتجوزت الديناصور

" بحبك يا ديناصوري المتوحش

;)

هو: بيضحك وطبق الورقه وحطها في محفظته 

جنب صورتها وورقها الغريب الكثير 

وهو بيقول 

" يابنت اللذين "

نسرين 

:D

8/1/2013

12:15 pm

أتعلَمُ عَيْناكِ أنّي انتَظَرتُ طَويـــــلاً...!؟

هو :  أتعلَمُ عَيْناكِ أنّي انتَظَرتُ طَويـــــلاً...!؟

هي :  أَتعلمُ عيناك انتَ أَن عيناها سهرت كثيراً ؟؟

هو : وما يُدريني !؟  

هي : وكيف تلومُها وانت لا تشعر بها حتى 

!!!

هو : لستُ ألوم .. فقط إفصاحٌ عن الحال

ولكن أن تسهر عيناها هذا بعض أُمنيتي

!

هي : لعلها تكتب الرسائل ايضاً

!!

هو : لم يصل الأمر لهذا

لازلنا على أولِ أولِ الطريق

!

هي : لعلك لم تسمع عن من يثقون في عشق قلوبهم بعد 

يجعلهم الشوق يكتبون بعضا من ايامهم القادمه احياناً

احيانا يمتلكون صندوق من الرسائل لم يبعثوا بها 

يجعلونه كنزً مناسب كهديةٍ لــ أولِ ليلة عشق 

Islam Najeh

Nesreen
31/12/2011