الساعه واحده الفجر
هو: في سابع نومه
هي: بتتقلب من الوجع
الساعه اثنين ونص الفجر
هي: بتعيط من الوجع
هو: بيعملها كوبايه قرفه دافيه
الساعه اربعه الفجر
هي: بتحاول تنام
هو: قاعد جنبها بيحكي لها حدوته
الساعه سبعه الصبح
هي: في سابع نومه
هو: بيتسحب علي طراطيف صوابعه
الساعه تسعه الصبح
هو: في مكتبه وبيفتح ورقه غريبه
... لقاها في جيب بنطلونه
هي: حطت له ورقه صغيره في جيب بنطلونه
... وكتبت فيها
انت اللي شبهك انقرضو "
انت اصلا فريد من نوعك
وانا بنت المحظوظه اللي اتجوزت الديناصور
" بحبك يا ديناصوري المتوحش
;)
هو: بيضحك وطبق الورقه وحطها في محفظته
جنب صورتها وورقها الغريب الكثير
وهو بيقول
" يابنت اللذين "
نسرين
:D
8/1/2013
12:15 pm
2 comments:
مبدائياً أكيد هركب بس أهم حاجة المركبة مجهزة للتدفئة في الجو البرد القارص ده ولا لأ؛)
تاني حاجة هو ده الرجولة اللي بجد.. اللي بيخاف علي مراته وهي دي البنت الذكية اللي تحسس الرجل بوجوده وأهميته بالنسبه لها :)
انبسطت جداً وأنا في مدونتك:)
نيلي
مع ان المكان يدعم وبشده جو الشتا الا انك لو حبتيه هتتدفي اكيد
:)
هنا هتلاقي ريحه الموكا والبندق السخن في كل مكان وده هيدفيك اكثر :)
نورتينا هنا :)
Post a Comment