من كام يوم لقيته قدامي
قمت نطيت من مكاني وهاتك ياصويت
جبت عصايه المكنسه
وكسرت وراه كل حاجه في البيت
لغايه مــ تعبت وبرضو معرفتش امسكه
اصله كان صغير وسريع قوي
هو فــار اه بس شهاده لله غلبان
وكان شكله خايف مني
اصل انا بخض اللي يشوفني
مش قوي يعني بس بخض برضو شويه
:D
وكمان الدنيا بره برد قوي
فــ بصراحه صعب عليا
فقلت له بصوت عالي
انا موافقه تبقي الروميت بتاعي بشرط متبوظش حاجه
ومش تخوفني
^^
والحق يقال طلع ابن ناس واحترم الاتفاق بينا
وبقي يمسي عليا كل فين وفين
بس برضو كنت بتخض واصوت
:(
لغايه لما رجعت من بره النهارده
فتحت الاب ولسه بقول يا هادي لقيته قدامي
بيبحلق فيا
انا اتخرصت من هول الفجئه
فضلت ابحلق وهو يبحلق
لغايه معمل حركه زي السكر قوووي مضحكه
فانا ضحكت
قام جري
شويه ورجع تاني
فانا قمت جبت له طماطم
وحطيتها في نص الاوده
طلع خذ حته وجري تاني
ومن وقتها وانا ومدحت ( الفار ) بقينا اصحاب
وبنونس بعض
_ علي فكره مدحت طلع مش بيسمع شعبي خالص خالص_
:D
اممم انا بقي كل اللي قالقني حاليا
انه لما يجي الصيف والشتا يخلص
منكن يسبني ويمشي هو كمان
بس لا هو شكله اصيل
وهيصون العيش والطماطم اللي بينا
^^
يااااااه بقي ليا صاحب فار اخيرا
نسرين
19/2/2012
^^
دايما محبوبة