كل واحد من حقه يتحب بالطريقه اللي هو نفسه يتحب بيها
جمله بقالها فتره بترن في ودني
وبشكل عادي كنت حابه الفلسفه بتاعتها
لغايه يومين فاتو
لما كل حاجه في حياتي رجعت اتلخبطت تاني
زي سيلك التليفون اللي كل ماتسلكه من حته يتلعبك لك من حته تانيه
عيطت كتير
وانهرت كتير
جربت كل دوا منكن يهديني
كنت كل ما افوق اسئل نفسي انا عايزه ايه
!!!
كل واحد من حقه يتحب بالطريقه اللي هو نفسه يتحب بيها
!!!
مفيش اجابه
حاولت اسئل اكثر الناس اللي بثق فيها
مفيش اجابه
كل اللي عندي كسور في كل حاجه وكل حته
كنت بدور علي كلمه واحده تريحني
مفيش
وفي وسطت الزحمه ده لقيت حد باعت ليا رساله
(الا بذكر الله تطمئن القلوب )
قمت اترمت علي السجاده من غير وضوء ولا اي حاجه
فضلت اعيط وانادي عليه
بعد فتره حسيت براحه
ولقتني بقول يارب انا مسامحه كل الناس في حياتي
اتصلت بوالدي وقلت له اني اسفه علي كل حاجه واني سامحته علي كل حاجه
مش عايزه من اي حد اي حاجه في الدنيا ولا في الاخره
كنت طماعنه ان ربنا يبقي كريم معايا زي منا مع عباده
!!!
لسه جوايا خوف اه بس مش زي الاول
هنام وانا معيطه اه بس مش مشكله
هبقي منعزله شويه ... وايه يعني
انا دوات ابتديت خطوه جديه في مشروع وحلم حياتي
نزلت اشتريت كتب كتير عشان اعرف نفسي
عشان اسافر بلاد تانيه بعيده
عشان انا استحق اني اتحب زي منا عايزه اتحب
انا ربنا بيصنعني
انا بتغير
انا راضيه
وبحاول
وده شئ لا يعني اي شئ لاي شئ
مجرد فضفضه
:)
Nesreen
5/11/2012
11:33 pm
3 comments:
Really nice one :)
You are welcome :-)
انا دوات ابتديت خطوه جديه في مشروع وحلم حياتي
نزلت اشتريت كتب كتير عشان اعرف نفسي
------------
هو ده الكلام ... الصح
Post a Comment