من رساله 2012

 في الايام ده جرت العاده اني ابتدي اكتب مجموعه من الاشياء

منها رساله بتتحط في صندوق كل سنه

لحد انا مش عارفه اذا كنت اعرفه ولا لسه 

وبعيدا عن كم الغل والغيظ والزعيق اللي منكن اطلعه فيها

الا انها لا تخلو ابدا من حبه السهوكه والنحنحه 

والــ ايه والـ آه

واللذي منه 

:D

وده جزء من رساله السنه ده

***

عارف انا خلاص اخترت اسامي عيالنا 

ومن غير كلام كتير ياحبيبي انا مش بتخطاك والله 

كل ماهنالك اني متاكده ان ذوقي هيعجبك 

كمان عارفه انك مشغول فمحبتش اشغلك ولا اوجع دماغك 

المهم بص بقي 

لازم نجيب بنوته في الاول ومليش فيه اتصرف 

وطبعا من غير مااقول لازم البنوته تبقي شبهي انا 

معلش ياحبي ده مستقبل وانت مترضاش البنت تقعد جنبنا 

ولا ايه ؟

المهم بقي هنسميها جودي

ونقعد نحكلها عن الجودي وانها زيه بالظبط 

قويه واي حد يقدر يتسند عليها من غير ميخاف 

انا نفسي في بنوته شبه الجودي بقي 

بعدها بقي نجيب عمر ويوسف 

دول بقي هسيبهم لك 

تطلعهم شبهك شيه جدك الثامن عشر انت حر 

وتحكلهم انت بقي كل يوم حدوته 

بس بلاش والنبي حكايات عن مصايبك 

والتزويغ من المدرسه 

والمقالب اللي كنت بتعملها 

اخر العنقود بقي ملك حبيه قلبي 

ده بقي ملاك صغنن وشرير في نفس الوقت 

وده في الغالب هتبقي ذراعي اليمين 

في خططي الشريره ضدك 

كمان متعهده حفلات مقالب رحلات واي حاجه تبسط 

طوبعا كله تحت اشرافي 

:D

كمان مفيش داعي اني افكرك ان البنات حتما يكونو شبهي 

منعا لضياع المستقبل 

اممممم لو لو لو بقي في حد جه في الوقت الضايع 

ولد كان او بنت 

هنسميه نور 

:D 

احبش اسيب حاجه للصدف انا 

وفي الاخر مع اني متاكده انك مُنبهر بالاسماء 

إلا اني ديموقراطيه زي منتا عارف 

ومش بحب اتخطاك في الصغيره قبل الكبيره 

فأحب اسمع برضو منك كلمه 

الله .. تحفه ياحببتي 

:D 

وانجز بقي عشان انا زهقت والله 

مامته اولادك 

31/12/2012

بحبك